Na Idade Media era un nome bastante frecuente. Levouno o bispo de Iria que, por volta do ano 820, segundo a tradición xacobea, foi avisado por un pastor e descubriu o suposto sartego do apóstolo Santiago, para despois dálo a coñecer ao mundo cristián. Co paso do tempo, esta tumba daría lugar á formación dunha cidade chamada Compostela, que se convertería nun dos tres principais centros de peregrinación cristiá na Idade Media, xunto con Roma e Xerusalén.
