Aínda que houbo un san Romeu, carmelita, do século XIV, o certo é que a difusión deste nome procede da traxedia de Shakespeare Romeu e Xulieta (c. 1597). Nela cóntase a historia destes dous amantes pertencentes a dúas familias inimigas da cidade de Verona, os Montesco e os Capuleto, que acabarán morrendo ante a imposibilidade de ver realizado o seu amor. A traxedia shakespeariana inspirou moitas creacións musicais, como as de Bellini (1830), H. Berlioz (1839) e R. Strauss (1887).
