Guía de nomes galegos

Do hebreo Râhêl 'año, ovella'.

Na Biblia, Raquel é a segunda esposa do patriarca Xacob. Cando este se refuxiou na casa de Labán, pediulle ao seu protector casar coa súa filla máis nova, Raquel, pero Labán non accedeu, pois non era costume dar a filla máis nova antes da máis vella, que era Lea. Xacob casou con Lea primeiro, da que tivo dez fillos, pero serviu sete anos a Labán para poder casar con Raquel, quen, a pesar de ser considerada estéril, aínda lle deu dous máis: Xosé e Benxamín.

Trátase dun dos nomes predilectos dos xudeus, que tería tamén moita popularidade nos países anglosaxóns.

Raquel Lesteiro (1902-1967), hispanista e arquiveira pontevedresa.

Rachel Louise Carson (1907-1964), bióloga mariña, escritora e conservacionista estadounidense. A súa obra Silent Spring (1962) e outros escritos seus considéranse fundamentais no desenvolvemento dos movementos a prol do medio ambiente modernos.