No Antigo Testamento, Malaquías (século V a. C.) foi un dos chamados pequenos profetas de Israel durante o período persa. Anunciou a chegada dun anxo que viría “purificar” e “preparar o camiño” .
San Malaquías de Armagh (1094-1148), primado de Irlanda, foi o reformador do monacato e da Igrexa desta illa. A el atribuíronselle unhas profecías en que se anunciaba que só existirían cento once papas ata a fin do mundo, pero comprobouse que era un apócrifo de finais do século XVI.
