San Liberato (século V) foi un médico de Cartago martirizado polos vándalos.
Santa Liberata era, segundo a lenda, unha fermosa moza galega que, para fuxir do matrimonio que os pais lle concertaran, pregou a Deus que lle fixese medrar a barba. Parece ser que o pai a fixo crucificar por se negar ao casamento. Na tradición galega tamén se di que era irmá de santa Eufemia, outra das santas intensamente galeguizadas.
A italiana santa Liberata de Como (século VI) era irmá de santa Faustina; as dúas eran de Piacenza e para fuxiren de dous matrimonios impostos chegaron a Como e ingresaron nun convento.
