Guía de nomes galegos

Nome latino que fai referencia a Caelius, un dos sete cotos de Roma, situado ao sur do Palatino e ao leste do Aventino. Era o nome dunha gens plebea.

A coruñesa Celia Brañas Fernández (1880-1948), pioneira da incorporación da muller ao mundo da ciencia. En 1911, por oposición, consegue a praza de Física, Química e Historia Natural da Escola Normal da Coruña. As súas xestións foron fundamentais para a creación da Estación de Bioloxía Mariña de Marín en 1932.

A fisterrá Celia Rivas Casais (1912-1974) foi a primeira muller camioneira de toda España e cofundadora da empresa Hijos de Joaquín Rivas, dedicada á comercialización do peixe. Varios escritores interesáronse pola súa figura.

Celia González Pernas, Celia da Ferrería (1918-1949) foi unha guerrilleira antifranquista galega.