Guía de nomes galegos

Do arameo bar 'fillo' e nabwh 'profecía' ou nabbā ‘profeta’, latinizado como Barnaba, -ae. A vogal final tónica é tense explicado por influencia do francés Barnabé ou polo xenitivo Barnabae (coma en Tomé); a terminación -eu, pola influencia doutros nomes bíblicos, como Bartolomeu.

Bernabeu foi o nome que lle puxeron nos Feitos dos Apóstolos a Xosé Halevi, xudeu de Chipre, co significado de ‘fillo da profecía’. Fora discípulo de Cristo e compañeiro de san Paulo en varias das súas viaxes. Tertuliano atribúelle a epístola aos hebreos, que o Novo Testamento considera de san Paulo. Sufriu martirio en Chipre.