Guía de nomes galegos

Dun nome de lugar, presente nos concellos de Mesía e Trazo (A Coruña) e nunha parroquia en Moraña (Pontevedra), e procedente do xenitivo dun nome de posesor de orixe xermánica Alamirus, formado cos elementos góticos alls ‘todo’ e mereis ‘célebre, famoso’. É un dos topónimos que recentemente se converteron en antropónimos. Este procede dunha advocación mariana, Nosa Señora dos Milagres da Amil (Moraña), igual que Montserrat, Lurdes, Fátima ou Guadalupe. Coma outras advocacións marianas, é en principio de xénero masculino pero agora úsase como feminino.