San Zósimo foi un eremita da Tebaida morto no ano 440. Viviu no monte co gando bravo, que lle facilitaba o alimento. Esta lenda parece proceder dunha falsa etimoloxía popular que fai proceder este nome de zoon philos ‘amigo dos animais’.
Outro san Zósimo, de orixe grega, foi papa (417-418), o único con este nome; influído por san Patroclo, bispo de Arles, absolveu a Celestio e Pelaxio, considerados herexes (pelaxianos), o que ocasionou unha violenta reacción da Igrexa de África, dirixida por santo Agostiño; o papa recuou e condenou o pelaxianismo.
Houbo, así mesmo, outro san Zósimo, bispo de Siracusa (século VII), onde foi bispo.
