Guía de nomes galegos

Do árabe, diminutivo de Zarádat 'argola', probablemente co valor metafórico de 'suxeición', 'muller cativadora'. Outros din que a raíz árabe é o verbo zarada 'escoller, elixir', cun derivado *zuraidâ que parece un diminutivo, de aí 'a mellor, a escollida'.

Cervantes relata nos capítulos 39, 40 e 41 da primeira parte do Quixote (1605) as peripecias de Zoraida, unha princesa árabe que quere fuxir de Arxel e facerse cristiá axudada por un cativo cristián, talvez transunto do propio escritor. O nome tamén se difundiu, máis preto dos nosos días, grazas ao teatro e á ópera Zoraide di Granata (1822), de G. Donizetti, e Ricciardo e Zoraide (1818), de G. Rossini.