Na Biblia, Xonás (século VIII a. C.) foi un dos profetas menores do Antigo Testamento. A súa historia é popular porque ao parecer permaneceu tres días no ventre dunha balea. Iavé mandárao ir a Nínive para que lles anunciase aos seus corrompidos habitantes terribles castigos se non facían penitencia. Xonás tivo medo e embarcou nun barco fenicio en dirección totalmente contraria. Os tripulantes desa nave acabaron por arrebolalo pola borda por consideralo gafe, negativo para a navegación. No mar tragouno unha balea, que o tivo no seu ventre tres días, ata que finalmente o expulsou. Unha vez liberado, acabou cumprindo a súa misión.
