Guía de nomes galegos

Nome dun pico situado ó norte de Alacant que dá nome a unha serra, próxima ó mar. É de orixe etimolóxica incerta, posiblemente proceda do nome dos poboadores prerromanos nunha zona desde o Ebro ata Cartaxena, os Edetani, nomeados por Estrabón, con evolución propia do mozárabe.

A serra de Aitana foi o último que Rafael Alberti viu da península cando partiu en barco para o exilio, despois da derrota republicana. Difundiuse como nome persoal despois de que o poeta llo puxese á súa filla, e a partir de alí diversos personaxes coñecidos, como a súa afillada a actriz Aitana Sánchez-Gijón.