O 'Boletín' dedicado a Filgueira Valverde preséntase este mércores no Museo de Pontevedra

23/01/17 |
O acto terá lugar ás 20 horas no Sexto Edificio. O volume recolle alocucións do Día das Letras Galegas de 2015 e outras dezanove achegas arredor do polígrafo presentadas no Simposio “Filgueira Valverde na cultura galega do século XX”

Homenaxe en Lisboa a unha grande dos estudos da lírica galego-portuguesa

20/01/17 |
A RAG presentou este xoves na Universidade de Lisboa o libro que editou no que recolle unha escolma de trinta traballos de Elsa Gonçalves. O acto serviu para render tributo á profesora portuguesa, figura sobranceira da investigación da nosa lírica trobadoresca

A Academia apoia que o aeroporto de Lavacolla leve o nome de Rosalía de Castro

20/01/17 |
A institución manifestou a súa "adhesión entusiasta" á proposta do grupo municipal de goberno de Santiago de Compostela, que saíu adiante no pleno de onte por unanimidade. A corporación instará a Fomento e a AENA a cambiaren o nome destas instalacións aeroportuarias

A RAG abre o catálogo do Arquivo a través da Rede e dá acceso a máis de 3.700 documentos dixitalizados

19/01/17 |
A nova aplicación do proxecto Arquivo Dixital de Galicia permite consultar a descrición dos 32.628 documentos conservados na Academia. A colección de pergameos, con exemplos desde o século XIX, engrosará proximamente a listaxe de imaxes dispoñibles

Marilar Aleixandre ingresa na RAG termando da paisaxe e da palabra

14/01/17 |
O respecto polo medio natural, a defensa da lingua e a ollada ao mundo coas lentes da xustiza social e do feminismo son constantes na vida e na obra de Marilar Aleixandre. E tamén son parte fundamental do ensaio co que ingresou hoxe na RAG

Un libro de homenaxe a Elsa Gonçalves recolle unha escolma dos seus estudos de lírica trobadoresca

13/01/17 |
A Facultade de Letras da Universidade de Lisboa acollerá o 19 de xaneiro a presentación do volume 'De Roma ata Lixboa. Estudos sobre os cancioneiros galego-portugueses', unha edición da Real Academia Galega ao coidado de João Dionisio, Henrique Monteagudo e Maria Ana Ramos

Marilar Aleixandre ingresa na RAG o 14 de xaneiro nun acto no Paraninfo da USC

5/01/17 |
A escritora, que ocupará a cadeira vacante polo pasamento de Xosé Neira Vilas, lerá o discurso titulado ‘Voces termando da paisaxe galega’. A académica Fina Casalderrey será a encargada de darlle resposta

‘Irmandade’, Palabra do Ano 2016

27/12/16 |
O termo impúxose como favorito cadrando co centenario da fundación das Irmandades da Fala. 'Alburgada' e 'porcoril' foron a segunda e a terceira palabra máis votada nunha lista de seis finalistas na que tamén figuraron 'xenofobia', 'eleccións' e 'populismo'

Comunicado da Academia en relación coa demanda presentada ante o TEDH

23/12/16 |
A Corte europea non admitiu a trámite a demanda presentada pola RAG por unha razón formal. A Institución respecta a decisión, ao tempo que lamenta que non entrase a valorar o fondo. Insta unha vez máis ao Goberno galego a que retorne ao espírito que inspirou a Lei de normalización lingüística

Un percorrido pola narrativa breve e a oral ponlle o ramo ao ciclo das Irmandades da Fala

22/12/16 |
Fina Casalderrey presentou a mesa na que Ramón Nicolás profundou nas obras da antoloxía deste xénero que editará a RAG. Dolores Vilavedra detívose no caso da Colección Lar e Camiño Noia, na escasa recollida que se fixo da narrativa oral
Dicionario
Axenda de actos Ver todos
Mércores 25 de xaneiro de 2017 / 20:00 h
Presentación en Pontevedra do 'BRAG' dedicado a Xosé Filgueira Valverde

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 375

Boletín da Real Academia Galega
nº 375

Descargar

Cadernos de Lingua
nº 35

Descargar