Abre o prazo de preinscrición nos Cursos de lingua e cultura galegas

6/03/18 |
O prazo de solicitude de praza permanecerá aberto ata o 6 de abril. A trixésimo primeira edición do programa dirixido a persoas de fóra de Galicia terá lugar do 2 ao 24 de xullo en Santiago de Compostela

"A lingua salva a Otero Pedrayo e sálvanos a nós"

6/03/18 |
Margarita Ledo recolleu onte en Pontevedra o galardón que leva o nome do escritor ourensán cadrando co seu 130 aniversario. A académica percorreu as facetas do "patriarca das Letras" que máis influíron nela. Fina Casalderrey definiu a gañadora como unha muller "intelixente, transgresora, independente e leal coas súas conviccións"

A Biblioteca de Mesopotamia publica a edición máis completa de 'Os Eidos' de Novoneyra

5/03/18 |
O volume, con datos inéditos e un dicionario novoneyriano, foi presentado na fundación que preserva o legado do escritor, en Parada do Courel. A RAG apoia o selo comunal dedicado á Ribeira Sacra

A Academia dedicaralle o Día Mundial da Poesía a Xohana Torres

2/03/18 |
A escritora e académica, falecida o pasado setembro, será homenaxeada o 21 de marzo nun acto literario e musical. Poetas de distintas xeracións e amigos da autora recitarán fragmentos da súa obra. Guadi Galego e Guillerme Fernández poranlle música

Arredor do Vindel, da autoría feminina das cantigas de amigo ás orixes do verbo “mirar” xunto ao mar de Vigo

1/03/18 |
Camiño Noia convida na xornada sobre o Pergamiño Vindel da RAG e a UVIGO a repensar como chegaron á escritura as cantigas de amigo, cuxa orixe é sobre todo "popular e feminina". Henrique Monteagudo analiza o léxico de Martín Codax, un dos pais nos cancioneiros do verbo 'mirar'. As sete cantigas son "unha noveliña dramática", di X. Alonso Montero

Chus Pato, premio Clara Campoamor

27/02/18 |
O galardón do Concello de Ourense á igualdade de oportunidades recoñece o labor da académica de número. A escritora sinala que este recoñecemento a incita a un compromiso maior co feminismo

Filomena Dato, a voz en defensa das mulleres

26/02/18 |
A académica correspondente foi a segunda muller que escribiu un libro en galego, 'Follatos' (1891). O volume inclúe “Defensa d'as mulleres”, poema contra os prexuízos de xénero da época. Os versos desta obra soaron hoxe na homenaxe que se lle rendeu en Moruxo

A Primavera das Letras de María Victoria Moreno arrinca no CEP Marcos da Portela

22/02/18 |
A institución celebrou o seu primeiro acto do ano dedicado á escritora na cidade na que se estableceu ao chegar a Galicia. A RAG recoñece a importancia do labor docente para “termar da lingua”. O proxecto web fornece de recursos didácticos e lúdicos arredor do universo vital e literario da autora

A RAG alerta no Día da lingua materna da creba da transmisión lingüística interxeracional

21/02/18 |
O Seminario de Sociolingüística analiza nunha publicación dixital a evolución do galego desde 1992. A Academia reclama un compromiso sincero, unha acción eficaz e iniciativas máis ambiciosas por parte do goberno e do conxunto das institucións galegas e dos axentes sociais para atallar esta tendencia

A RAG e a UVIGO afondan nunha xornada no Pergamiño Vindel

20/02/18 |
A sesión, o vindeiro 1 de marzo, contará coas achegas arredor do pergamiño de Camiño Noia, Henrique Monteagudo e Xesús Alonso Montero e a interpretación musical de Roi Casal. O documento pode verse ata o 4 de marzo no Museo do Mar
Dicionario

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar