'Ausencia. Melodía gallega', de Eugenia Osterberger

O Arquivo da Academia atesoura a partitura de Ausencia. Melodía gallega. Esta composición musical manuscrita é obra de Eugenia Osterberger, música galega e membro correspondente desta institución.
Eugenia Osterberger.
Eugenia Osterberger.


Nada en Santiago de Compostela o 20 de decembro de 1852, filla da coruñesa Emilia Luard Álvarez e do litógrafo de orixe alemán Jorge Osterberger, a futura música Eugenia Osterberger recibiu unha esmerada formación cultural que incluía -ademais de clases de piano- o coñecemento do francés, o alemán paterno e frecuentes viaxes ao estranxeiro, nomeadamente, a París.

En 1879 Eugenia Osterberger casa co enxeñeiro francés Francisco Saunier e o matrimonio pasa a instalarse na Coruña onde o seu marido traballaba como director da fábrica de gas. Na cidade herculina, Eugenia Osterberger entra en contacto co grupo rexionalista da "Cova Céltica" -que promoverá anos máis tarde a posta en marcha da Real Academia Galega da que ela será nomeada membro correspondente desde a súa fundación- así como co vizoso círculo artístico e musical coruñés da época do que formaban parte, entre outros, Marcial del Adalid, Pascual Veiga, José Castro "Chané" e, sobre todo, Canuto Berea, quen será o editor de parte da súa obra.

A partitura de Ausencia. Melodía gallega, que se pode descargar nesta ligazón e escoitar nestoutra ligazón, foi doada á Academia por Leandro Carré Alvarellos en 1970 e ten como letra un poema do mesmo título de Carlos Vaamonde Lores, irmán dos académicos Florencio e César Vaamonde Lores. A composición delata, tanto polo seu tema como pola súa procedencia, a influencia das teses rexionalistas na concepción artística de Eugenia Osterberger-Saunier, unha autora comprometida na empresa colectiva que foi o Rexurdimento.

En 1907, o matrimonio Saunier-Osterbeger múdase á Costa Azul francesa e o destino posterior de Eugenia  Osterberger resulta, polo de agora, descoñecido.

Para ampliar información, podes consultar Eugenia Osterberger (Mme. Saunier). Una aportación femenina a la creación musical gallega, de Beatriz López-Suevos e Mª Rosario Martínez Martínez (2013).

Dicionario
Axenda de actos Ver todos
Venres 16 de novembro de 2018 / 20:00 h
Charla da campaña Toponimízate en Moaña
Mércores 21 de novembro de 2018 / 16:30 h
Charla da campaña Toponimízate en Miño
Xoves 22 de novembro de 2018 / 13:00 h
Ourense: Exposición dos 150 anos da 'Gramática' de Saco Arce
Xoves 22 de novembro de 2018 / 16:30 h
Ourense: Homenaxe a Saco Arce. 150 aniversario da 'Gramática gallega'
Venres 23 de novembro de 2018 / 17:30 h
Charla da campaña Toponimízate en Parada de Sil
Martes 27 de novembro de 2018 / 13:00 h
'Toponimízate' chega a Cospeito
Martes 27 de novembro de 2018 / 16:30 h
Simposio María Victoria Moreno
Mércores 28 de novembro de 2018 / 16:30 h
Simposio María Victoria Moreno
Venres 30 de novembro de 2018 / 19:00 h
Charla da campaña Toponimízate en Cariño

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar