O Centro PEN Galicia concede o oitavo Premio Voz de Liberdade a Marina Mayoral

Marina Mayoral é a gañadora do oitavo Premio Voz de Liberdade do Centro PEN Galicia. O xurado tivo en conta tanto a traxectoria literaria da académica de honra como a súa defensa do dereito de expresión e opinión e do papel das mulleres nas letras e na sociedade en xeral.

Marina Mayoral no pleno extraordinario de ingreso na Real Academia Galega como membro de honra. Fonte: RAG


O xurado, composto por Luís González Tosar, Ánxela Gracián, Bieito Iglesias, Xabier Castro Martínez, Inma López Silva, Pablo Rubén Eiré, Luis Menéndez, Xosé Ramón Pena e Manuel Guede, valorou a obra literaria da escritora, as súas achegas sobre Rosalía de Castro, Emilia Pardo Bazán ou Valle Inclán e, "sobre todo, a súa constante defensa do dereito de expresión e de opinión e a reivindicación do papel da muller no ámbito da literatura e na sociedade en xeral", salienta o Centro PEN Galicia nun comunicado.

Marina Mayoral recollerá o premio, unha peza orixinal de Azisclo Manzano, no transcurso dun acto literario que terá lugar na segunda quincena de novembro.

Dicionario
Axenda de actos Ver todos
Venres 15 de novembro de 2019 / 19:00 h
Toponimízate - Beariz
Luns 18 de novembro de 2019 / 16:30 h
Toponimízate - Ordes
Martes 26 de novembro de 2019 / 19:00 h
A Coruña - Inauguración do Simposio Antonio Fraguas
Mércores 27 de novembro de 2019 / 16:30 h
Santiago de Compostela - Simposio Antonio Fraguas
Xoves 28 de novembro de 2019 / 16:30 h
Santiago de Compostela - Simposio Antonio Fraguas

Novas da Academia

Subscríbete