Urco saca á luz o derradeiro conto infantil de María Victoria Moreno

O derradeiro conto infantil que María Victoria Moreno escribiu permanecía ata o momento inédito. As cinco castes sae agora á luz a través de Urco Editora, grazas á colaboración da familia da protagonista do Día das Letras Galegas 2018 e o seu amigo Xavier Senín. O relato, "unha fermosa historia sobre os seres que habitan a Terra", foi ilustrado por Lidia Cao.

A familia de María Victoria Moreno atopou As cinco castes no ordenador da autora tempo despois do seu pasamento. O texto súmase agora a outros inéditos da escritora publicados por Urco Editora nos volumes O amor e as palabras e Nosoutras.

"María Victoria Moreno foi pioneira en poñer como protagonistas das súas historias a nenas, mulleres de avanzada idade e incluso animais, coma neste libro, As cinco castes", salienta o selo editorial. O título está dedicado aos diferentes seres que poboan a Terra, que se distinguen "non só polo xeito de se comportar, senón tamén polas súas cores e feituras". "Estes agrúpanse en castes segundo as súas características e poden pertencer á caste dos paxariños, dos bichos, dos animais, dos nós ou dos amos", resume a sinopse. O libro xa está á venda nas librarías e na páxina web de Urco Editora.

Dicionario
Axenda de actos Ver todos
Mércores 12 de decembro de 2018 / 16:00 h
Santiago: Lembrando a Samuel Eiján. A poesía relixiosa galega
Mércores 12 de decembro de 2018 / 18:00 h
Ponteceso - Fundación Eduardo Pondal: Charla da campaña 'Toponimízate'
Xoves 13 de decembro de 2018 / 19:30 h
Muros - Aula Cemit: Charla da campaña 'Toponimízate'
Venres 14 de decembro de 2018 / 12:00 h
Xinzo de Limia - IES Lagoa de Antela: Charla da campaña 'Toponimízate'
Mércores 19 de decembro de 2018 / 10:00 h
Ribadumia - CPI Julia Becerra Malvar: Charla de 'Toponimízate'

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar