Antonio Manuel Fraga gaña o I Premio de Narrativa Xuvenil María Victoria Moreno

O I Premio de Narrativa Xuvenil María Victoria Moreno, convocado polo Concello de Pontevedra e Urco Editora, xa ten gañador. O xurado, reunido onte no Salón do Libro Infantil e Xuvenil de Pontevedra, premiou a obra do autor titulada O bestiario científico de Anxos Nogueirosa, da que destaca a fortaleza das personaxes femininas dotadas dunha afouteza optimista e sen crebas, a introdución do bestiario máxico galego nun contexto histórico mais tamén dotado de modernidade, e a mestría con que tece con precisión a linguaxe nos nobelos da maxia.

A familia de María Victoria e membros do xurado, reunidos no Salón do Libro Infantil e Xuvenil de Pontevedra tras darse a coñecer a obra gañadora. Fonte: Salón do Libro


O galardón que leva o nome da protagonista do Día das Letras Galegas 2018 ten unha dotación económica de 4.000 euros, que achega o Concello de Pontevedra, e implica tamén a publicación da obra por parte de Urco Editora. O orixinal gañador foi seleccionado entre os 31 que participaron nesta primeira convocatoria. O xurado, composto pola experta en literatura infantil e xuvenil Montse Pena Presas, a escritora Eli Ríos (en representación da familia de María Victoria Moreno), Andrea Martínez (alumna do IES Torrente Ballester, onde se xubilou a escritora), Carme Hermida (en representación do Concello) e Andrea Jamardo (en nome de Urco), considerou ademais finalistas e recomendou a publicación doutras dúas obras presentadas cos seguintes lemas: Be Water e Irmá Paxaro.

Antonio Manuel Fraga explicou que O bestiario científico de Anxos Nogueirosa está dedicado á mestra Elvira Bao e á oceanógrafa Ángeles Alvariño. A historia está ambientada nos tempos da República e no sanatorio de Oza (A Coruña).

O XIX Salón Internacional do Libro Infantil e Xuvenil de Pontevedra celébrase do 6 ao 29 de abril baixo o lema Mulleres de conto.

Dicionario
Axenda de actos Ver todos
Venres 16 de novembro de 2018 / 20:00 h
Charla da campaña Toponimízate en Moaña
Mércores 21 de novembro de 2018 / 16:30 h
Charla da campaña Toponimízate en Miño
Venres 23 de novembro de 2018 / 17:30 h
Charla da campaña Toponimízate en Parada de Sil
Martes 27 de novembro de 2018 / 13:00 h
'Toponimízate' chega a Cospeito
Martes 27 de novembro de 2018 / 16:30 h
Simposio María Victoria Moreno
Mércores 28 de novembro de 2018 / 16:30 h
Simposio María Victoria Moreno
Venres 30 de novembro de 2018 / 19:00 h
Charla da campaña Toponimízate en Cariño

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar