Manuel Rivas e Craig Patterson, recoñecidos na última edición do Premio Ostana

A última edición do Premio Ostana de Escritura en Lingua Materna xa ten novos gañadores. O académico de número Manuel Rivas foi galardoado na modalidade Premio Internacional e o académico correspondente Craig Patterson na de tradución. O Premio Ostana foi creado en 2008 pola Associazione Chambra d'Òc e a Comune de Ostana (Italia) co obxectivo de celebrar e preservar a biodiversidade cultural en clave lingüística.

Manuel Rivas e Craig Patterson 


Manuel Rivas, na actualidade o escritor en lingua galega de maior proxección internacional, suma este novo recoñecemento a unha longa listaxe de galardóns, entre eles o Premio Nacional de Narrativa e o Premio Torrente Ballester por ¿Que me queres, amor? (1996), e o Premio da Crítica de narrativa galega por O lapis do carpinteiro (1998) e Os libros arden mal (2006).

O Premio Ostana recoñece tamén o labor como tradutor de Craig Patterson, autor da primeira versión en inglés do Sempre en Galiza de Castelao, Forever in Galicia (Boutle, 2016). O académico correspondente verteu recentemente ao inglés a novela de Eva Moreda A Veiga é como un tempo distinto ( 2011), baixo o título Home is Like a Different Time, un traballo premiado en 2017 nos PEN Translates awards concedidos polo English PEN.

A undécima edición do Premio Ostana distinguiu tamén a Til Stegmann co Premio Especial polo proxecto para a intercompresión entre as linguas europeas Eurocom; a poeta en walser Anna Maria Bacher; o músico Gerard Zuccheto (Premio de Lingua Occitana); Dariya Martynova, Premio Mocidade pola súa obra en lingua even (Siberia); Franca Masu, pola súa música en alguerés (Italia); e ao director e guionista paraguaio Marcelo Martinessi, co Premio Cinema (guaraní).

Dicionario
Axenda de actos Ver todos
Luns 27 de maio de 2019 / 18:00 h
Entrega dos premios do II Concurso de microrrelatos da RAG e PuntoGal

Novas da Academia

Subscríbete

Cursos de Verán 2019


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar