Ánxela Gracián asina unha biografía novelada de María Victoria Moreno

A escritora e tradutora Ánxela Gracián asina Doce cartas a María Victoria, unha biografía novelada sobre a protagonista do Día das Letras Galegas 2018 narrada por un dos seus personaxes, o lobo Garimoso de Mar adiante (1973). O volume será presentado mañá, martes 20 de marzo, ás 19:30 horas na libraría Couceiro de Santiago de Compostela.

O académico Xesús Alonso Montero, amigo persoal de María Victoria Moreno, acompañará a autora na presentación do volume publicado por Hércules de Ediciones. Tamén participarán no acto o ilustrador da obra, Antonio Seijas, e a editora, Laura Rodríguez. Miguel Requeixo e Miguel López Pombo encargaranse do acompañamento poético e musical.

Ánxela Gracián achégase a María Victoria Moreno a través de Garimoso, un dos personaxes do primeiro libro que publicou a autora. Fascinado pola nova vida de lobo que non ten obriga de comer carapuchiñas, empeza a ler todos os libros da súa creadora, e tamén os que se escribiron sobre ela. Tras devorar todas estas páxinas, decide mandarlle a María Victoria Moreno doce cartas que rememoran a vida e o legado da escritora que protagonizará o vindeiro 17 de maio.

Dicionario

Novas da Academia

Subscríbete

Cursos de Verán


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 377

Boletín da Real Academia Galega
nº 377

Descargar

Cadernos de Lingua
nº 36

Descargar