Ver exemplos
Ver marcas expandidas
Busca preditiva
Axuda na busca avanzada
A zona de busca avanzada está estruturada en dúas columnas. Na da esquerda pódese facer procuras nos lemas e na da dereita nas definicións, mais é ben saber que se poden mesturar os criterios de ambos os dous lados.
De escribires en varios dos campos, os resultados devoltos cumprirán a totalidade dos criterios introducidos. Para explicar dun xeito práctico o funcionamento presentamos algúns exemplos de uso:
Exemplo 1: Para atopar todas as entradas que comezan por “ter” e rematan en “bel” habería que poñer na caixa de “Comeza por” o texto “ter” e “bel” na de “Remata por”.
Exemplo 2: Para atopar as entradas que comezan por “aba” e na definición conteñen a palabra “casa” cumpriría poñer na caixa “Comeza por” o texto “aba” e na caixa “Na definición” a palabra “casa”.
Exemplo 3: Se o que pretendemos é buscar unha cadea de texto situada no medio dunha palabra, este conxunto de letras escribirase na caixa “Contén”. Así, unha procura da cadea intermedia “menc” atoparía como resultados, entre outros, “mencía”, “demencia” e “menciña”.
Ao facermos unha busca, na pantalla aparecen sempre os resultados por orde alfabética de arriba a abaixo e a dúas columnas, de xeito que o primeiro e segundo aparecen na primeira liña, o terceiro e o cuarto na segunda etc. Ao ir baixando coa barra de desprazamento, o navegador vai cargando máis termos da devolución.
A busca está programada para non distinguir maiúsculas e minúsculas, vogais con acento ou sen el, enes ou eñes, e entre ces e cedillas.
Resultados ()
Número de resultados máximo 500, refina a túa busca.
Non se atoparon resultados nesta busca.
Este termo non se encontra no dicionario.
Non existen sinónimos para esta palabra.
Prema aquí para volver á busca anterior.
ese2 [e] (feminino: esa, neutro: iso) demostrativo1 Sinala a persoa ou cousa que está máis preto do que escoita ca do que fala ou que, sen estar inmediata a ningún deles, tampouco está moi lonxe. Achégame ese libro.2 Utilízase para referirse a algo que se acaba de mencionar e non a outro. Fáloche dese (rapaz). Non estou de acordo con iso.3 Emprégase con valor despectivo ou simplemente para indicar distancia con respecto a aquilo do que se fala. Eu non quero tratos con ese. Aí vén ese. OBSERVACIÓNS: O demostrativo contrae coas preposicións en e de, dando respectivamente as formas: nese, nesa..., niso e dese, desa..., diso FRASES E EXPRESIÓNS CON ese A iso de locución preposicional Acompaña a indicación da hora para dar unha idea de tempo aproximado. Cheguei a iso das sete. Iso que locución conxuntiva A pesar de que. Ao final non probei os pasteis, iso que che me gustan ben. Iso si locución adverbial Introduce unha puntualización con relación ao dito anteriormente. Comía coa familia, iso si, nunha mesa á parte. Nin por esas locución adverbial De ningunha maneira. Díxenlle que era moi urxente pero nin por esas me deixou ir.
Sobre o dicionario da Real Academia Galega
Este dicionario establece a norma da lingua galega no referente ao léxico. Aquí poderás atopar a ortografía normalizada de case 60.000 artigos lexicográficos e os seus significados, así como información importante sobre a pronunciación, as propiedades gramaticais, os sinónimos, os antónimos, o rexistro, e outros datos útiles para o uso correcto da lingua.
Actualizacións
O Seminario de Lexicografía da RAG actualiza de maneira continuada este dicionario para achegar un coñecemento máis preciso do léxico. As novas voces e modificacións pódense consultar na pestana de Actualizacións do menú superior.
Información
Escoita a pronuncia das palabras, consulta a conxugación de todos os verbos e descubre as características gramaticais de cada unha das entradas do dicionario (categoría, xénero, réxime verbal, fraseoloxía etc.)