Pontevedra inmortaliza no seu mapa o recordo de María Victoria Moreno

A avenida María Victoria Moreno é xa unha realidade no mapa de Pontevedra. Desde o 28 de abril, as placas co seu nome locen en substitución das que recordaban o ministro franquista José María Fernández Ladreda, de acordo co cambio aprobado pola corporación municipal por unanimidade o pasado mes de marzo. A cidade na que estableceu o seu fogar tamén quixo recordala coa instalación dunha placa ás portas do edificio onde viviu, o número 15 da avenida de Vigo, que foi inaugurada o 1 de maio.

O alcalde de Pontevedra, Miguel Anxo Fernández Lores, intervén na inauguración da avenida María Victoria Moreno. Fonte: Concello de Pontevedra


O presidente da Real Academia Galega, Víctor F. Freixanes, participou a semana pasada no acto institucional de inauguración da avenida María Victoria Moreno, unha importante vía da cidade, e onte tamén estivo presente no descubrimento da placa ás portas da súa casa, xunto a representantes do Concello de Pontevedra, veciñanza e a familia de María Victoria Moreno. Con este cambio, o consistorio cumpre coa Lei de memoria histórica e inmortaliza na guía de rúas a memoria dunha veciña ilustre nas vésperas do Día das Letras Galegas a ela dedicado.

A escritora e docente viviu sempre na avenida de Vigo, primeiro nun edificio próximo e finalmente no número 15. Desde onte, unha inscrición recorda que aí estivo o seu fogar. Na placa reprodúcese a súa sinatura e indícase tamén a súa condición de personalidade protagonista da 56 edición do Día das Letras Galegas.


O presidente da RAG, Víctor F. Freixanes, acompañou os representantes municipais, a veciñanza e a familia de María Victoria Moreno no descubrimento da placa instalada ás portas da súa casa. Fonte: Concello de Pontevedra

Dicionario

Novas da Academia

Subscríbete

Cursos de Verán


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 377

Boletín da Real Academia Galega
nº 377

Descargar

Cadernos de Lingua
nº 36

Descargar