Fina Casalderrey e Marilar Aleixandre retratan a María Victoria Moreno nunha biografía para o público máis novo

As académicas Fina Casalderrey e Marilar Aleixandre son as autoras de María Victoria Moreno. A muller que durmía pouco e soñaba moito, unha biografía sobre a protagonista do Día das Letras Galegas dirixida ao público máis novo. O obra acaba de saír do prelo na colección Merlín de Xerais.
Cuberta do libro

"Este libro é un acto de cariño no que Fina Casalderrey e Marilar Aleixandre ofrecen un fermoso retrato de María Victoria Moreno", salienta a editorial. O volume arrinca co relato apaixonante do que acontencía na libraría Xuntanza de Pontevedra, da que a escritora e profesora era socia, e segue o fío da súa traxectoria desde a infancia, os anos de formación académica e a súa chegada a Galicia en 1963 ata todo o que viría despois, a vida como escritora e docente e tamén a súa actitude valente ante o cancro que sufriu.

A obra achega o público máis novo a unha María Victoria namorada do ensino e dos animais -dúas paixóns presentes no seu legado literario-, e reconstrúe "con emoción toda unha vida de novela dedicada ao amor aos libros e a comunicar o pracer pola lectura en galego", engade Xerais.

Dicionario
Axenda de actos Ver todos
Luns 16 de decembro de 2019 / 14:30 h
Charla da campaña Toponimízate - Folgoso do Courel
Martes 17 de decembro de 2019 / 15:45 h
Charla da campaña Toponimízate - Cerdedo-Cotobade
Xoves 19 de decembro de 2019 / 12:30 h
Charla da campaña Toponimízate - Pazos de Borbén
Venres 27 de decembro de 2019 / 20:00 h
Charla da campaña Toponimízate - Vilalba

Novas da Academia

Subscríbete