A Real Academia Galega expresa o seu pesar polo pasamento de Ana María Fernández del Riego, irmá do protagonista do Día das Letras Galegas 2023. A relixiosa xesuíta, que estaba a piques de celebrar os 102 anos, participou este ano coas súas lembranzas en diversas iniciativas de divulgación da figura de Francisco Fernández del Riego e publicara recentemente o seu primeiro poemario.
Ana María Fernández del Riego naceu, coma o seu irmán, en Lourenzá. Foi misioneira e traballou como profesora en países como A China ou Filipinas, e tamén estivo, igual que don Paco, estreitamente vencellada á cidade de Vigo.
![](/documents/35271/813017/2023.07.05_01_01.jpg/55e807f7-f82c-8838-c6e5-c0ea8a89fe12)