Tras se destapar o mural, os nenos e nenas da escola infantil cantaron unha das coplas de Rosa e Adolfina acompañados de Martín e Raúl, exalumnos do centro que dirixe Felicidad Casás, neta de Rosa Casás Rama. A xornada festiva rematou cunha pandeirada da rapazada guiada por Félix Arias.
Rosa e Adolfina Casás Rama, sobriña e tía, son dúas das sete mulleres nas que a Real Academia Galega personificou o Día das Letras Galegas que este ano lles dedica ás cantareiras e á poesía popular oral. A institución celebrou o pasado mes de marzo no seu concello natal a presentación do proxecto web para o público infantil Primavera das Letras da man da comunidade educativa do CEIP Celso Emilio Ferreiro.
Pola esquerda, Felicidad Casás, directora da escola e neta de Rosa Casás; a académica Dolores Sánchez Palomino e a alcalde da Coruña, Inés Rey, xunto aos demais representantes institucionais que participaron no acto. Fonte: RAG
