Representantes das institucións organizadoras e colaboradoras da organización do simposio dedicado a Antonio Fernández Morales posan na inauguración da exposición sobre o autor na Casa da Cultura de Ponferrada. Nas súas mans amosan exemplares da edición facsimilar dos Ensaios poéticos en dialecto berciano.

Pola esquerda, na mesa inaugural, o concelleiro de Cacabelos Santiago Enríquez; a concelleira de Cultura de Ponferrada, María Sonia Gancedo; o presidente da Real Academia Galega, Víctor F. Freixanes; a presidenta do Instituto de Estudios Bercianos (IEB), Mar Palacio; e o académico correspondente e organizador das xornadas Héctor M. Silveiro

O académico correspondente e organizador das xornadas, Héctor M. Silveiro, presenta a José Antonio Balboa de Paz, que impartiu a conferencia inaugural. O profesor realizou novas achegas á biografía do homenaxeado

Un momento da actuación musical de Carmen Penim e Maurizio Polsinelli na xornada de apertura do programa, celebrada en Ponferrada

Inauguración da exposición sobre Antonio Fernández Morales e o galego no Bierzo no Claustro de San Nicolás o Real de Vilafranca do Bierzo

Inauguración da exposición sobre Antonio Fernández Morales e o galego no Bierzo no Claustro de San Nicolás o Real de Vilafranca do Bierzo

Andrea Castelo ofreceu unha análise do léxico berciano diferencial na obra de Antonio Fernández Morales

Carmen Penim nun momento da exposición teórica e práctica sobre a métrica na obra do poeta e as decisións creativas que foron tomando ela e mais Maurizio Polsinelli para musicaren a súa obra

Maurizio Polsinelli estreou en Vilafranca a peza serial dodecafónica baseada nun poema de Morales

As comunicacións do programa do domingo do Simposio do Bicentenario / XI Xornadas de Autor IEB. Antonio Fernández Morales: o cantor do Bierzo desenvolvéronse no Museo Arqueolóxico de Cacabelos. Na imaxe, Héctor M. Silveiro e Ana Palacio presentan a derradeira xornada, que arrincou cunha intervención de José Luis Puerto, acompañado na mesa por José Antonio Balboa

Javier Fernández-Llamazares, á esquerda, ofreceu unha intervención centrada nas cartas inéditas de Antonio Fernández Morales enviadas, en 1875, ao banqueiro e deputado de León Felipe Fernández-Llamazares

O etnomusicólogo Héctor Luis Suárez achegou outra mirada á poesía de Morales centrada nos instrumentos musicais que aparecen nos seus Ensaios

O profesor e presidente da Fundación Rosalía de Castro, Anxo Angueira, recita versos de Antonio Fernández Morales ante a tumba do escritor na homenaxe que se lle rendeu o día do bicentenario do seu nacemento

Ana Carballo, do Instituto de Estudios Bercianos, le versos de Fernández Morales ante a súa tumba

Manuel González, do Grupo As Médulas para a Lingua e Cultura galegas do Bierzo, le versos de Fernández Morales ante a súa tumba