Día das Letras Galegas 2017. Carlos Casares
A Real Academia Galega celebrou o Día das Letras Galegas dedicado a Carlos Casares en Xinzo de Limia, a vila ourensá na que medrou.
Detalle do convite da sesión extraordinaria que a RAG celebrou en Xinzo de Limia co gallo do Día das Letras Galegas dedicado a Carlos Casares.
A familia de Carlos Casares segue desde a primeira fila a sesión da RAG dedicada á súa figura.
O acto do 17 de maio desenvolveuse no salón de plenos do Concello de Xinzo de Limia.
A académica Fina Casalderrey falou da contribución de Carlos Casares á literatura infantil e xuvenil galega.
O académico Henrique Monteagudo centrou a súa intervención na produción novelística de Casares.
O académico Xesús Alonso Montero achegouse ao Casares poeta e ao seu pensamento ideolóxico nos anos de estudante universitario.
O presidente da Academia, Víctor F. Freixanes, salientou que Casares sempre foi un home comprometido co país e co seu tempo.
En primeiro termo, os fillos de Carlos Casares, Håkan e Christian Casares Berg, conversan co secretario xeral de Cultura, Anxo Lorenzo, o presidente da Academia, Víctor F. Freixanes, e o conselleiro de Cultura, Román Rodríguez.
Os académicos Xosé Luís Regueira e Francisco Díaz-Fierros entrando no Concello de Xinzo de Limia. Detrás, Xesús Alonso Montero e Monteagudo, e Pegerto Saavedra e Andrés Torres Queiruga
Christian Casares conversa coa académica Rosario Álvarez e os académicos Andrés Torres Queiruga e Henrique Monteagudo.
Tras a sesión da RAG, descubriuse unha placa para lembrar o Día das Letras Galegas dedicado a Carlos Casares. Pola esquerda, Håkan Casares, Román Rodríguez, Víctor F. Freixanes, Xavier Casares, Alberto Núñez Feijóo e o alcalde Antonio Rodríguez.
Público seguindo o programa do Día das Letras Galegas que se desenvolveu nas rúas de Xinzo de Limia.
Concentración polas rúas de Xinzo de Limia de motoristas con Harley Davidson, unha das paixóns de Carlos Casares.
