A secretaria da Academia, Ana Boullón; a tesoureira, María López Sández; e a arquiveira bibliotecaria, María Dolores Sánchez Palomino, participaron canda Henrique Monteagudo na xuntanza. Por parte do Concello da Coruña, asistiron tamén o concelleiro de Cultura e Turismo, Gonzalo Castro Prado, e o director de Cultura, Uxío Novo Rey.
A reunión enmárcase na rolda de presentacións institucionais da nova executiva da RAG, á fronte da Academia desde o pasado mes de abril. Entre outras iniciativas, a executiva presentoulle a Inés Rey a proposta de creación dunha fundación pro-Academia que aglutine apoios de distintos axentes sociais para a promoción das actividades da institución.
Canto aos proxectos máis inmediatos nos que está a traballar a Academia en relación coa lingua, o novo equipo lembrou que na primeira metade do novo mandato se prevé presentar o Dicionario castelán-galego, a Gramática da lingua galega ou o Dicionario de apelidos, e reiterou a necesidade de que se acade un pacto polo idioma do país.
