Presentación dos actos do Ano Díaz Castro

A Consellería de Educación e Cultura fixo pública a súa programación con máis de cen actividades arredor do autor de Nimbos.
Foto de familia do acto de presentación
Foto de familia do acto de presentación.


A presentación tivo lugar o pasado 14 de febreiro no Gaiás, e contou coa presenza, entre outros, do presidente da Real Academia Galega, Xesús Alonso Montero; do conselleiro de Educación e Cultura, Xesús Vázquez Abad; do alcalde de Guitiriz, Xosé María Teixido Núñez; do presidente do Pen Club de Galicia, Luís González Tosar; do membro numerario da Academia e vicepresidente do Consello da Cultura Galega, Francisco Díaz-Fierros; do presidente da Asociación Xermolos, Alfonso Blanco Torrado; do director de produción da Editorial Galaxia, Xosé Manuel Soutullo, así como dos secretarios xerais de Cultura e Política Lingüística, Anxo Lorenzo e Valentín García.

Logo de describir Díaz Castro como "un autor que nos legou un corpus poético elaborado con paciencia, aquilatado polo tempo, admirado polos autores coetáneos", o conselleiro de Educación e Cultura, Xesús Vázquez Abad, salientou a necesidade de espallar o coñecemento da súa obra entre a sociedade galega e no exterior "dun xeito transversal, favorecendo a realización de iniciativas desde diferentes ámbitos, dentro e fóra do noso territorio."

Con este obxectivo, a Consellería de Educación e Cultura elaborou unha extensa programación que contempla máis de cen actividades conmemorativas, desde reedicións da obra diazcastriana e estudos críticos, ata traducións a linguas como o vasco, o inglés ou o ruso, exposicións itinerantes, documentais e actividades de promoción da súa lectura en centros escolares e bibliotecas públicas.

A programación das Letras Galegas 2014 elaborada pola Consellería de Educación e Cultura pódese descargar aquí.

Dicionario
Axenda de actos Ver todos
Xoves 14 de decembro de 2017 / 20:00 h
'Eduardo Pondal, poeta na Coruña', conferencia de Manuel Ferreiro

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar