O alumnado do Instituto Arxentino Galego Santiago Apóstolo visita a sede temporal da RAG

A Real Academia Galega recibiu a visita do alumnado do Instituto Arxentino Galego Santiago Apóstolo que está a coñecer estes días Galicia, acompañados polas profesoras Valeria Trotta e Araceli Fernández. A académica e arquiveira bibliotecaria María Dolores Sánchez Palomino deulles a benvida na sede temporal en nome da institución e o persoal responsable da biblioteca, o arquivo e a colección da Academia amosoulles libros, documentos e outras pezas destacadas do legado que custodia.

Foto de familia do alumnado do centro arxentino galego con Dolores Sánchez Palomino e persoal da Academia.

Fonte: RAG

Os estudantes puideron coñecer algunhas das edicións históricas custodiadas na biblioteca da RAG.

Fonte: RAG

A visita incluíu unha parada no arquivo para admirar algúns dos documentos máis antigos que conserva, producidos na Idade Media.

Fonte: RAG

Dúas alumnas observando cadros da colección da Academia.

Fonte: RAG

Franco Martínez entrégalle a Dolores Sánchez Palomino unha acuarela da artista arxentina Lara Palma.

Fonte: RAG

1/5

Dolores Sánchez Palomino interesouse pola relación dos estudantes coa lingua galega e Galicia, terra na que parte deles teñen as súas raíces. Pero neste centro educativo de Buenos Aires, dirixido polo académico correspondente Carlos Brandeiro, tamén aprenden o galego nenos e nenas, mozos e mozas de orixes moi diversas que contribúen a facer da nosa unha cultura máis universal.