Alumnado da UNED Sénior Xestoso posa xunto ao presidente da Academia, Xesús Alonso Montero, e Felipe-Senén López no salón de actos da institución

O presidente da Academia agradeceu de maneira especial a visita de "persoas que non perderon o lume da inquedanza intelectual", homes e mulleres que participan neste programa formativo da UNED para persoas maiores de 55 anos.

Na charla de benvida, Alonso Montero recuou ata os tempos de Xosé Fontenla Leal na Habana para explicarlles como se xestou o nacemento da Real Academia Galega, unha institución centenaria que tivo como primeiro presidente a Manuel Murguía, "un dos últimos polígrafos" de Galicia. Na actualidade, o estudo, a defensa e a promoción do idioma esta na cerna da súa actividade e o criterio establecido pola Academia, engadiu, é o que determina a actualización e o uso correcto da lingua galega.

Tras as palabras de Alonso Montero, o grupo percorreu as dependencias da institución e detívose con especial interese na biblioteca e nas pezas da Colección da RAG expostas.