O académico correspondente Ivo Castro será investido doutor honoris causa pola USC

O lingüista portugués Ivo Castro, membro correspondente da Real Academia Galega, será investido doutor honoris causa pola Universidade de Santiago de Compostela o venres 31 de marzo nunha cerimonia na que recibirá o mesmo recoñecemento a historiadora británica Mary Beard. O catedrático da Universidade de Lisboa terá como padriño o académico de número Henrique Monteagudo.

Ivo Castro. Fonte: Universidade de Lisboa

Ivo Castro foi proposto polo departamento de Filoloxía Galega da USC en recoñecemento polo seu labor destacado entre o mundo académico portugués e a filoloxía galega. Por iniciativa súa, a Universidade de Lisboa acolleu unha activa Cátedra de Estudos Galegos que promoveu numerosas actividades e facilitou acordos entre institucións como o Centro de Lingüística da Universidade de Lisboa e o Instituto da Lingua Galega da USC.

A cerimonia de investidura de Ivo Castro e Mary Beard como doutores honoris causa terá lugar no paraninfo da Facultade de Xeografía e Historia ás 12:00 horas