Chus Pato participará no Simposio Xela Arias cun relatorio titulado “A temporalidade e outros animais na escritura de Xela Arias” . “Estes animais son a disonancia, o innominable, o amor e os diversos fíos que tecen o tapiz dos seus poemas”, explica a académica de número.
Alba Cid, gañadora do “Premio Nacional de Poesía Joven 2020”, analizará as coordenadas culturais da obra de Xela Arias e a “orfandade xeracional” que a propia poeta declarou e a profesora da Universidade de Santiago de Compostela María Xesús Nogueira, editora de Poesía reunida (1982-2004). Xela Arias, profundará nas reflexións sobre a poesía que foi deixando Xela Arias en diversos soportes, e que reflicten tanto as claves da súa poética como as súas coordenadas estéticas e ideolóxicas.
A Banda da Loba poralle o ramo á xornada (19:30 horas) coa interpretación de varios temas do seu disco Hasme oír, a súa homenaxe a Xela Arias neste ano das Letras Galegas dedicado á súa figura.
Contidos relacionados:
A RAG celebra o legado de Xela Arias, a poeta das vidas á marxe
