O Arquivo explica nun vídeo como se tratan os documentos

Os arquivos seguen a ser uns grandes descoñecidos para a maioría da xente, malia desempeñaren unha función de gran relevancia social. Neles gárdanse testemuñas da nosa historia ou as probas documentais da actividade da administración pública, das empresas, de todo tipo de entidades privadas ou de calquera persoa. Pero como se procede ao seu tratamento e rexistro? A Academia, co gallo da celebración, o 9 de xuño, do Día Internacional dos Arquivos, dálle resposta a esta pregunta nun vídeo no que amosa o percorrido que a documentación ten que facer desde que chega ao arquivo da institución ata que queda preparada para ser consultada polo público.

A gravación emprega como exemplo o fondo do Facho, doado pola propia asociación cultural en xaneiro de 2012 e que inclúe documentos como libros de actas de reunións da xunta directiva, fotografías e numerosos orixinais presentados ao concurso de contos infantís que mantivo durante anos O Facho, entre eles varios de María Victoria Moreno, a autora homenaxeada co Día das Letras Galegas 2018.

Dicionario
Axenda de actos Ver todos
Xoves 28 de xuño de 2018 / 19:30 h
Presentación - concerto: 'Padre Manuel Feijoo. Música da nosa terra'

Novas da Academia

Subscríbete

Cursos de Verán


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 377

Boletín da Real Academia Galega
nº 377

Descargar

Cadernos de Lingua
nº 36

Descargar