Homenaxe ao profesor Alonso Montero

Persoeiros do mundo da cultura, antigos alumnos, amizades e persoas admiradoras da súa traxectoria rendéronlle homenaxe o pasado sábado a Xesús Alonso Montero en Vigo co gallo do seu 90 aniversario. Escritor, estudoso da literatura galega, filólogo introdutor dos primeiros traballos da sociolingüística en Galicia, articulista, activista político e home comprometido... O académico destacou nestes e outros perfís desde novo, pero no seu discurso o presidente da RAG, Víctor F. Freixanes, quixo retratalo desde "a súa primeira e máis grande condición, a que alumea as outras todas: a de profesor".
Un momento da homenaxe a Xesús Alonso Montero co gallo do seu 90 aniversario. Imaxe: TVG


O acto, organizado pola Fundación Premios da Crítica e conducido por Bieito Ledo, contou coa colaboración das tres universidades, o Consello da Cultura Galega e a Real Academia Galega, institución á que Xesús Alonso Montero pertence desde 1993 e que presidiu entre 2013 e 2017. "A través da palabra, coa ferramenta da palabra e os textos, fiel á súa condición de "filólogo" (o que ama o logos, a razón, o discurso do entendemento) Xesús Alonso Montero desenvolveu durante non menos de seis décadas ese labor intenso e apaixoado de axudar a descubrir a luz, axudar a abrir os ollos, poñendo o foco contra a realidade, contra os aspectos inxustos da realidade que, como seres humanos, debemos axudar a transformar; todo sen renunciar ao seu país, á lingua do seu país, das súas raíces, dos seus antergos, os valores desta terra, Galicia, que é a súa, na que como ser humano e cidadán exerce", expresou Víctor F. Freixanes.

A celebración no auditorio de Afundación de Vigo rematou coa proxección dun documental de Xan Leira Cidadán Alonso Montero, o mestre das palabras e continuou cun xantar de irmandade.

Dicionario
Axenda de actos Ver todos
Mércores 12 de decembro de 2018 / 16:00 h
Santiago: Lembrando a Samuel Eiján. A poesía relixiosa galega
Mércores 12 de decembro de 2018 / 18:00 h
Ponteceso - Fundación Eduardo Pondal: Charla da campaña 'Toponimízate'
Xoves 13 de decembro de 2018 / 19:30 h
Muros - Aula Cemit: Charla da campaña 'Toponimízate'
Venres 14 de decembro de 2018 / 12:00 h
Xinzo de Limia - IES Lagoa de Antela: Charla da campaña 'Toponimízate'
Mércores 19 de decembro de 2018 / 10:00 h
Ribadumia - CPI Julia Becerra Malvar: Charla de 'Toponimízate'

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar