A RAG achega os adolescentes á escrita literaria no marco do Festiletras

O presidente da Real Academia Galega, Víctor F. Freixanes, e a académica Fina Casalderrey participaron este luns na 37 edición do Festiletras achegando a mocidade á escrita literaria. Os dous escritores impartiron na sede da Fundación Eduardo Pondal senllos obradoiros a alumas e alumnos da ESO do instituto de Ponteceso que leva o nome do vate e animáronos a profundar na lectura e na práctica literaria en lingua galega.
O presidente da Real Academia Galega, Víctor F. Freixanes, co alumnado do IES Eduardo Pondal que participou no encontro. Fonte: Fundación Eduardo Pondal


A colaboración co Festiletras enmárcase na liña de colaboración da Real Academia Galega cos centros de ensino para o fomento do uso da lingua propia entre a xente nova, nesta ocasión a través da expresión literaria. O presidente, vinculado desde a mocidade ao xornalismo e profesor ad honorem da Facultade de Ciencias da Comunicación da Universidade de Santiago de Compostela, centrou a súa intervención na relación entre a literatura e a comunicación. Fina Casalderrey, autora de grande éxito entre o público infantil e xuvenil, tamén lles ofreceu aos mozos e mozas claves desde a súa experiencia máis directa para desenvolver textos capaces de atrapar o lector.

Os académicos animaron os participantes a elaborar os seus propios textos literarios e convidáronos a expoñer unha escolma na propia Academia.

Dicionario
Axenda de actos Ver todos
Luns 27 de maio de 2019 / 18:00 h
Entrega dos premios do II Concurso de microrrelatos da RAG e PuntoGal

Novas da Academia

Subscríbete

Cursos de Verán 2019


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar