Foto de familia na entrada da Facultade de Filosofía.
Fonte: RAG
O presidente da RAG, Víctor F. Freixanes, conversa con David, alumno procedente de Finlandia.
Fonte: RAG
Os cursos desenvolvéronse na Facultade de Filosofía, que acolleu tamén o acto de clausura.
Fonte: RAG
Pola esquerda, Henrique Monteagudo, Víctor F. Freixanes, Elisa Fernández Rei, Valentín García e Ana Fachal.
Fonte: RAG
Os XXXIV Cursos Galego sen fronteiras reuniron máis de medio cento de estudantes de tres continentes.
Fonte: RAG
Os XXXIV Cursos Galego sen fronteiras reuniron máis de medio cento de estudantes de tres continentes.
Fonte: RAG
Estudantes entrando na Facultade de Filosofía.
Fonte: RAG
O presidente da RAG, Víctor F. Freixanes, entrégalle o seu diploma a un dos estudantes.
Fonte: RAG
Anik Nandi foi no seu día un dos preto de tres mil estudantes que dende a súa posta en marcha pasaron polos Cursos Galego sen fronteiras, promovidos pola Real Academia Galega en colaboración co Instituto da Lingua Galega da Universidade de Santiago de Compostela, e que contan co apoio económico da Deputación da Coruña e da Xunta de Galicia. Ambas as institucións celebraron este mediodía, na Facultade de Filosofía, o peche da cita deste ano, nun acto no que se realizou a entrega dos diplomas ao máis de medio cento de persoas de Europa, América e Asia que a protagonizaron ao longo das tres últimas semanas.
Víctor F. Freixanes clausurou o programa canda a directora do ILG, Elisa Fernández Rei; o director dos cursos, o académico Henrique Monteagudo; a profesora Ana Fachal e o secretario xeral da Lingua, Valentín García. Todos eles dedicáronlles un ata pronto aos estudantes chegados dende a Arxentina, o Brasil, os Estados Unidos, a India, a China e Alemaña, Reino Unido, República Checa, Chipre, Finlandia, Francia, Holanda, Italia, Polonia, Portugal, Romanía, Ucraína, Rusia e distintas comunidades autónomas de España.
“Para nós é unha honra que a lingua sexa unha oportunidade non só de que coñezades o galego e a nosa cultura, senón tamén de que cadaquén coñeza a cultura do outro”, salientou Henrique Monteagudo. O director dos cursos referiuse ademais ao “agarimo e a emoción” que todo o profesorado e a organización pon nesta iniciativa. “Traballar cunha lingua minorizada, dalgún xeito ameazada, implica un esforzo maior, pero tamén hai unha implicación dende o punto de vista emocional que dá sentido ao traballo que facemos, concluíu”.
