Víctor F. Freixanes conclúe a súa etapa como presidente da Real Academia Galega

Víctor F. Freixanes rematou a súa etapa como presidente da Real Academia Galega tras completar oito anos á fronte da institución. O académico formalizou a conclusión do seu segundo mandato ante os membros do Plenario na xuntanza ordinaria celebrada na tarde de onte no pazo de María Pita. Con este paso comeza o proceso que conducirá á elección da nova comisión executiva da Academia.

Víctor F. Freixanes intervén nun momento do pleno en que concluíu o seu mandato.

Fonte: RAG

Reunión do plenario da Academia

Fonte: RAG

Os membros de número da RAG na xuntanza do pleno celebrada en María Pita.

Fonte: RAG

Margarita Ledo, Víctor F. Freixanes e Fina Casalderrey, integrantes da executiva saínte.

Fonte: RAG

Reunión do plenario da Academia.

Fonte: RAG

1/5

De acordo coa normativa da institución, entrementres ocupará interinamente a presidencia a secretaria, Margarita Ledo Andión, a quen lle corresponde poñer en marcha o proceso electoral. Os estatutos da Academia establecen un período non superior a tres mes para a elección da nova comisión executiva.

A candidatura ou candidaturas á presidencia da RAG que poidan concretarse deben ser presentadas por tres membros de número da institución. Para facelo disporase dun prazo que remata 48 horas antes da data que se fixe para o desenvolvemento do pleno extraordinario de elección.