Canda Víctor F. Freixanes e Verònica Cantó, no encontro tamén participaron por parte da RAG a tesoureira, Fina Casalderrey; o vicesecretario, Henrique Monteagudo; o director da Sección de Historia, Ramón Villares; e a académica María Dolores Sánchez Palomino; e por parte da AVL, o seu vicepresidente, Rafael Ramos, e mais a académica Mª Àngels Francés e o académico Artur Ahuir.

"Compartimos preocupacións comúns sobre o futuro dos nosos respectivos idiomas, que teñen realidades sociolingüísticas moi parecidas, e a construción dunha política de recoñecemento do patrimonio histórico e lingüístico dentro da política española. Non somos grans, somos riqueza", expresou o presidente da RAG ao termo da reunión, que enmarcou o encontro na serie de contactos que a institución está a manter con outras homólogas como Euskaltzaindia e o Institut d'Estudis Cataláns.

Verònica Cantó expresouse en termos semellantes e agradeceu a acollida. "Debemos ser valedores do patrimonio cultural e lingüístico dos nosos respectivos territorios de cara ao Estado español na reivindicación do artigo 3 da Constitucións, que di que as linguas cooficiais serán de especial protección", apuntou. "As linguas son sempre riqueza", concluíu.