Foto de familia de participantes no acto de homenaxe a Eva Castiñeira.
Fonte: Concello de Muxía
O presidente da Academia, Henrique Monteagudo, intervén na homenaxe a Eva Castiñeira.
Fonte: Concello de Muxía
As Abaladeiras pecharon o acto interpretando pezas do repertorio de Eva Castiñeira.
Fonte: Concello de Muxía
A neta de Eva Castiñeira intervén en nome da familia.
Fonte: Concello de Muxía
No acto descubriuse unha placa na casa de Eva Castiñeira.
Fonte: Concello de Muxía
Henrique Monteagudo referiuse á forza do canto e do baile como elementos de transmisión da lingua mais tamén como un tipo de creación colectiva que reforza os lazos de comunidade e os afectos entre os seus membros. O alcalde de Muxía, Javier Sar, salientou o orgullo que supón para todo o concello que unha das súas veciñas protagonice a gran festa da cultura galega e lembrou que Gonzalo López Abente, recoñecido co Día das Letras Galegas de 1971, foi quen inscribiu no rexistro civil a Eva Castiñeira, quen traballaba no xulgado cando a cantareira naceu.
A concelleira de Cultura, Sandra Vilela, destacou que Eva Castiñeira deixou unha profunda pegada na memoria colectiva nun encontro no que o momento máis emotivo estivo protagonizado polo fillo da homenaxeada, Juan José Alvite, e a súa filla, María Teresa. “Miña nai foi, sen sabelo, unha muller que estaba facendo historia”, expresou.
A celebración contou tamén coa presenza da subdirectora xeral da Lingua, María Coutinho, e veciños e veciñas de Muxía. Tras o descubrimento dunha placa conmemorativa, o acto rematou coa actuación das Abaladeiras.
