Ilustración no anverso da tarxeta

Membro de número da Academia desde 1949, o poeta de Abadín, Aquilino Iglesia Alvariño (1909-1961), formouse academicamente no Seminario de Mondoñedo onde tamén estudou, anos máis tarde, o protagonista do Día das Letras Galegas deste ano, Xosé María Díaz Castro, con quen comparte, ademais, unha concepción semellante da poesía: clásica na composición, contida no ton e con preferencia polo tratamento de temas como a descrición da paisaxe rural natal e o material relixioso, como podemos comprobar neste caso no que desenvolve o motivo litúrxico do "sursum corda".

Érguete, Corazón
Emporranchiño, ledo, recén nado,
érguete, corazón, levián e puro,
claro milagre á renacer do escuro
onte que me retén encadeado.
Érguete, corazón de amor ousado,
da cinza amargue e triste en que me aburo
e da torre de noite en que me amuro
cara ó bruar do mar i o vento irado.
Naz outra vez, naz sempre e, renacido,
puro no puro aire da alborada,
érguete, corazón, fugaz estrela.
Que, ó cabo, da túa luz estóu prendido,
e, se apenas a vexo, e de pasada,
agardo, ano tra ano, para vela.

Poema no anverso da tarxeta

Aquilino Iglesia Alvariño foi tamén o protagonista do Día das Letras Galegas do ano 1986.