A Coruña, 31 de xaneiro de 2022
A Real Academia Galega convoca un concurso aberto para dous contratos eventuais a tempo completo de persoal técnico, desde o 14 de marzo ao 13 de setembro de 2022. As persoas contratadas colaborarán en tarefas relacionadas cos proxectos lexicográficos da Real Academia Galega e na redacción e revisión lingüística e estilística de textos.
As listaxes, convocatorias e resolucións publicaranse no sitio web da Real Academia Galega: https://academia.gal/
Requisitos
Licenciatura ou Grao en Filoloxía Galega, Filoloxía Galego-Portuguesa ou titulación equivalente.
Méritos específicos
- Experiencia acreditable en traballos coa lexicografía do galego e/ou coa redacción e revisión lingüística e estilística de textos en lingua galega, segundo o perfil do contrato.
- Formación e experiencia acreditables en traballos de elaboración de dicionarios ou outras ferramentas lexicográficas e/ou de redacción e revisión lingüística e estilística de textos en lingua galega, segundo o perfil do contrato.
- Publicacións relacionadas coa lexicografía galegas e/ou coa redacción e revisión lingüística e estilística de textos en lingua galega, segundo o perfil do contrato.
- Coñecementos de informática e experiencia no manexo de bases de datos, follas de cálculo, procesadores de texto, edición de páxinas web e outras ferramentas informáticas.
- Formación e experiencia acreditables relacionadas co estudo da lingua galega, o seu ensino, a súa normalización ou a súa difusión.
- Coñecemento acreditable doutras linguas.
Condicións
Xornada completa. Contrato desde o 14 de marzo de 2022 ata o 13 de setembro de 2022.
Remuneración
Cada persoa seleccionada percibirá un salario bruto de 9.210,40 euros, pagas extraordinarias incluídas, polo período de seis meses do contrato obxecto desta convocatoria.
PRAZOS
| 1-11 de febreiro | Presentación de solicitudes segundo as indicacións que figuran a seguir, e especificando se desexan optar ao contrato de lexicografía ou de redacción / revisión de textos en lingua galega |
| 14 de febreiro | Publicación da listaxe provisional de persoas admitidas e excluídas |
| 15-17 de febreiro | Presentación de reclamacións. Este prazo tamén será válido para corrixir a documentación presentada, se é o caso |
| 18 de febreiro | Publicación da listaxe definitiva de persoas admitidas e excluídas |
| 25 de febreiro | Publicación da listaxe das persoas seleccionadas e convocatoria para a entrevista persoal |
| 3-4 de marzo | Entrevista persoal. Sede da RAG (Tabernas 11, A Coruña) |
| 7 de marzo | Publicación da listaxe de persoas seleccionadas para os contratos e substitutas, por orde de prelación |
| 8-9 de marzo | Presentación de reclamacións, que serán resoltas de xeito inapelable polo Presidente da RAG o día 10 de marzo |
| 11 de marzo | Publicación da listaxe definitiva |
Presentación de solicitudes
As persoas candidatas deberán achegar, no prazo establecido, e a través do correo electrónico secretaria@academia.gal a seguinte documentación en formato pdf:
- Documento A. Solicitude
- Datos de identidade e contacto: nome e apelidos, DNI, data de nacemento, lugar de nacemento, número de teléfono, correo electrónico, enderezo postal.
- Relación de título(s) académico(s).
- Relación de méritos alegados.
- Documento B. Acreditación
- Documentación acreditativa dos títulos académicos e méritos.
Composición da comisión avaliadora
| Presidencia: | Un membro numerario/a da RAG |
| Secretaría: | O vicesecretario da RAG |
| Vogalías: | Un membro do Seminario de Lexicografía ou da Sección de Lingua da RAG, segundo o perfil do contrato Un/unha técnico/a da RAG especialista en lexicografía ou lingua galega, segundo o perfil do contrato Un/unha representante do persoal laboral da RAG, con voz e sen voto |
A convocatoria pode descargarse NESTA LIGAZÓN.
