A comisión que promoveu a inciativa diante da porta da Real Academia Galega. De esquerda a dereita: Marcos Dopico, presidente da Asociación Galega de Deseñadores; Xosé Salgado e Pepe Barro, de Grupo Revisión Deseño; Jacobo Bermejo, presidente da Asociación de Empresarios de Artes Gráficas de Galicia; Xosé Luís Axeitos, secretario da Academia; Xosé Luís Méndez Ferrín, presidente da Academia; Cesáreo Sánchez Iglesias, presidente da Asociación de Escritores/as en Lingua Galega e Manuel Bragado, presidente da Asociación de Editores.

O caderno, de 56 páxinas, será publicado o 17 de maio polo xornal Faro de Vigo de xeito gratuíto. Contará, ademais, cunha edición adicional de mil exemplares, a cargo da Asociación Galega de Editores, que será repartida por colexios e bibliotecas de todo o país. No caderno faise un percorrido por cada unha das figuras homenaxeadas ao longo destes cincuenta anos de Día das Letras a través dunha serie de 50 carteis realizados por cadanseu deseñador. En cada cartel aparece tamén un breve texto autoría dun escritor galego actual, quer da xeración máis veterana, como Manuel Álvarez Torneiro e María do Carme Kruckenberg, quer da máis nova, como María Reimóndez ou Daniel Costas. O caderno inclúe o manifesto titulado "As letras que nos fixeron", no que se pode ler: "As palabras e as imaxes son os lugares da cultura, esa é a masa que nos une".

No proxecto participaron once entidades e asociacións reunidas arredor da causa comunal da defensa e dignificación da nosa lingua e cultura propias que nomeamos a continuación: Real Academia Galega, Asociación Galega de Deseñadores, Asociación de Escritoras/es en Lingua Galega, Asociación de Empresarios de Artes Grá?cas de Galicia, Torras Papel/Norte Papel, Asociación Galega de Editores, Federación de Libreiros de Galicia, Asociación Profesional de Bibliotecarios Municipais de Galicia, ANABAD – Galicia, Faro de Vigo e a Xunta de Galicia.

Caderno cos 50 carteis, editado por Faro de Vigo.

Abaixo: Reproduccións dos 50 carteis, con datos de figura homenaxeada. Clicando nas miniaturas descárganse arquivos PDF con resolución abonda para podérense imprimir.

1963. Rosalía	1964. Castelao	1965. Pondal	1966. Añón	1967. Curros
1968. Cuevillas	1969. Noriega Varela	1970. Valladares	1971. López Abente	1972. Lamas Carvajal
1973. Lago González	1974. Viqueira	1975. Pintos	1976. Cabanillas	1977. Villar Ponte
1978. López Ferreiro	1979. Man. Antonio	1980. Afonso X	1981. Risco	1982. L. A. Carballo
1983. Leiras Pulpeiro	1984. Cotarelo	1985.Losada Diéguez	1986. A. I. Alvariño	1987. Fca. Herrera
1988. Otero Pedrayo	1989. Celso Emilio	1990. Luis Pimentel	1991. Cunqueiro	1992. Bouza Brey
1993. Blanco Amor	1994. Luis Seoane	1995. Rafael Dieste	1996. Ferro Couselo	1997. Ánxel Fole
1998. Poetas Ría Vigo	1999. Blanco torres	2000. Murguía	2001. Eladio Rdguez.	2002. Sarmiento
2003. Avilés	2004. Xaq. Lorenzo	2005. Lorenzo Varela	2006. Lugris Freire	2007. María Mariño
2008. Álvz. Blázquez	2009. Ramón Piñeiro	2010. Novoneira	2011. Lois Pereiro	2012. Paz Andrade