Visita de Gilvan Müller de Oliveira

O director do Instituto Internacional da Lingua Portuguesa visitou a Academia co fin de afondar no coñecemento mutuo entre as dúas institucións, e de explorar futuras fórmulas de cooperación.
Gilvan Oliveira, Alonso Montero e Henrique Monteagudo
Gilvan de Oliveira, Alonso Montero e Henrique Monteagudo


O Instituto Internacional da Lingua Portuguesa é un organismo creado en 1989 co fin de coordinar os esforzos na promoción e difusión deste idioma por parte dos oito países que forman a Comunidade de Países de Lingua Portuguesa (CPLP). O seu actual director, Gilvan Múller de Oliveira, manifestou durante a súa visita á Academia -onde foi recibido polo presidente, Xesús Alonso Montero e o secretario da mesma, Henrique Monteagudo- a súa vontade de coñecer mellor as persoas e organizacións comprometidas no estudo e a defensa da lingua no noso pais, e de explorar posibles liñas de traballo conxunto no futuro.

Gilvan Müller de Oliveria informou tamén sobre a situación das máis de 180 linguas das comunidades nativas do Brasil, todas elas incluídas no Atlas de Linguas Ameazadas que publica a UNESCO, e que non obtiveron recoñecemento oficial naquel pais ata a aprobación da Constitución de 1988. "Desde aquela data, temos implantado un sistema de educación multilingüe co fin de mudar o proceso de perda progresiva de falantes destas linguas minoritarias. Aínda así, a reversión deste proceso amosouse, polo de agora, moi difícil, porque a imposición da lingua portuguesa foi moi forte no noso país". Gilvan de Oliveira informou tamén sobre varias resolucións tomadas no cumio da IILP celebrado en Maputo (Mozambique) encamiñadas a corrixir este devalo.

Dicionario
Axenda de actos Ver todos
Sábado 23 de setembro de 2017 / 12:00 h
Ingreso de Chus Pato como académica numeraria da RAG - Ourense
Sábado 30 de setembro de 2017 / 9:30 h
II Xornada de onomástica galega: Os nomes e apelidos - Museo de Pontevedra

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar