In memoriam JOSÉ LUIS PENSADO TOMÉ (19242000)
O día 16 de decembro do ano 2000 falecía en Salamanca o profesor Pensado Tomé: foi un día de loito para a Lingüística Galega, disciplina á que fixo numerosas e rigorosas aportacións durante case medio século. Era Membro de Honra da nosa Academia desde o 5 de abril de 1987, institución á que pertencía, como Membro Correspondente, desde o 29 de novembro de 1967. Nado en Negreira (A Coruña) o 6 de marzo de 1924, cursou o Bacharelato no Instituto Masculino de Santiago, cidade na que cursou tamén os dous anos de estudios comúns da Facultade de Filosofía e Letras (19431945). Estudiante de clara vocación filolóxica, trasládase á Universidade Central (Madrid), onde, na Facultade de Letras, cursa os tres anos de Filoloxía Románica (19451948), unha das sete especialidades da Facultade de Filosofía e Letras. Nesas datas, e aínda moitos anos despois, na Universidade de Santiago a susodita Facultade só ofrecía a especialidade de Xeografía e Historia, razón pola cal os alumnos de inclinacións filolóxicas ou literarias tiñan que optar polo ?exilio? académico escolleito por José Luis Pensado Tomé, aquel mozo galego de sólido curriculum. Na Facultade de Filosofía e Letras da Universidade Central, Pensado Tomé, xa profesor adxunto, doutorouse o 15 de xaneiro de 1954 cunha tese, dirixida por Dámaso Alonso, sobre os Miragres de Santiago, importantísimo texto da prosa medieval galega que non tardaría en editar cun estudio crítico. Recén Licenciado, vai exercer como adxunto na Cátedra de Lingüística Románica da que era titular o seu principal mestre nestes saberes, Dámaso Alonso. En 1957 gaña por oposición a cátedra de Filoloxía Románica e Filoloxía GalaicoPortuguesa da Universidade de Oviedo, onde impartirá clases durante cinco cursos, de 1954 a 1962. No curso seguinte (196263) foi ?Visiting professor? na Universidade estadounidense de Texas (Austin), e, a partir desta data, desempeñou a súa cátedra na Universidade de Salamanca ata a súa xubilación, en 1994. Para moitos eruditos, o profesor Pensado é o descubridor e glosador do Padre Sarmiento, do Padre Sarmiento como lingüista. En efecto, libros e traballos moi importantes daquel oceánico e singular lingüista do século XVIII coñecémolos por primeira vez (ou por primeira vez en edicións condignas) mercé ó labor do profesor Pensado. De 1970 é a súa edición da Colección de voces y frases gallegas, e de 1973, a do Catálogo de voces y frases de la lengua gallega, ámbalas dúas publicadas pola Universidade de Salamanca. Estes dous volumes, xunto co Onomástico etimológico de la lengua gallega, tamén editado e anotado por José L. Pensado (A Coruña, Fundación Barrié de la Maza, 1999) son as
329
Nº 362
