MANUEL CURROS ENRÍQUEZ, JOSÉ FONTENLA LEAL E A REAL ACADEMIA GALEGA: OBSERVACIÓNS E DATOS SOBRE AS SÚAS ORIXES E VICISITUDES
A Jesús Sánchez Gómez, in memoriam, Domingo Sánchez Naveira e Rolando Sánchez Couceiro pola súa eficaz contribución ao bo funcionamento da biblioteca da Real Academia Galega
Xosé María Dobarro Paz
Neste traballo pretendemos ofrecer unha visión dos avatares que rodearon a constitución da douta corporación académica e da súa dificultosa andadura ata a morte de Fontenla, decembro de 1919, máis ou menos coincidinte coa cesión por parte do Concello coruñés do arelado local social. Fálase, pois, da Academia, da súa ?Asociación Iniciadora y Protectora? da Habana e de dous dos seus alicerces: Fontenla Leal ?sobre o que non hai moito tivemos ocasión de botar algo de luz en dous opúsculos \(Dobarro Paz 1999, 2000\)? e Manuel Curros Enríquez, como homenaxe no 150º aniversario do seu nacemento.
Os primeiros chamados para constituír unha Academia Xa se teñen relatado en máis dunha ocasión ?as máis recentes, de non estarmos trabucados, da autoría de Xesús Alonso Montero \(1987, 1988, 1991\) e Isabel Seoane \(2001\)? dos antecedentes para a constitución dunha academia, ou organismo similar, que se consideraba necesaria para pór un pouco de orde no que se consideraba anarquía da lingua escrita. As primeiras referencias a unha Academia galega datan de 1875, cando Valentín Lamas Carvajal na ?Novena? das Cartas ós gallegos \(Ourense, Imprenta de José M. Ramos\) di nos versos 49?56 Falai gallego, pois non é mancilla, en Lugo, Ourense, Pontevedra e Cruña cal castellano falan en Castilla, e como catalán en Cataluña; asina poderíamos en día,
203 Nº 362