ELADIO RODRÍGUEZ E O PRIMEIRO DICCIONARIO DA REAL ACADEMIA GALEGA Isabel Seoane
Deustuko Unibertsitatea
A traxectoria profesional de Eladio Rodríguez González sen falarmos do seu traballo como funcionario municipal centrouse no xornalismo, na poesía e na lexicografía, labor, este último, do que lle vén o actual recoñecemento: ser autor do Diccionario Enciclopédico GallegoCastellano1, coñecido xa, entre os estudiosos, como ?o don Eladio?. Aínda que publicado postumamente pola editorial Galaxia en 1958, a iniciativa e baixo o patrocinio da Casa de Galicia de Caracas, estaba xa preparado para saír no ano 1928 na editorial Nós, fundada nesa altura por Ánxel Casal. A falta de subscritores e a carestía do proxecto semellan ser as causas que fanaron a publicación neses momentos. A intrahistoria desta obra vai unida ós avatares da Real Academia Galega, da que Eladio Rodríguez foi ademais de membro fundador, secretario e presidente e, como non, á elaboración do Diccionario GallegoCastellano2 da Institución, no que el tamén participou. Otero Pedrayo sinala, no prólogo do DEGC, que o poeta ourensán comezou de neno a elaboración de tan magna obra, mais a súa ausencia entre os contribuíntes con material lexicográfico ó DRAG leva a pensar que non foi así:
Martínez Salazar, Cabeza León, Losada, Pondal, Vaamonde, Tettamancy, Lugrís, Marcelo Macías, Fernández Alonso, Pérez Ballesteros, Meilán, Carré Aldao, Ulloa, Arana, Gastañaduy, Banet Fontenla, Oviedo Arce, Costanti, Ballesteros, Leiras, Noriega, Tapia, Cabanillas y otros aportaron también un caudal ?enxebre ? y preciadísimo (Barreiro 1917).
Aínda que o listado non é completo, parace improbable que se omitise o nome de Eladio Rodríguez, de ter sido un colaborador. Quizais sexan máis acertados, aínda que pouco precisos, os datos ofrecidos por Ánxel Casal, propietario da editorial Nós, cando fai o anuncio da inminente publicación do DEGC:
O ilustre presidente da Real Academia Gallega ven traballando, como ninguén ignora, na confeición de obra tan precisa, desde fai varios anos arreo (RCG 1928c).
Lesta Meis, na primeira noticia que se dá sobre a publicación da obra, a piques de ser rematada e xa en busca de editor, concreta:
97
Nº 362