DOMINGO GARCÍA SABELL (19082003) Ensaio ar r e d o r d u n h a f o t o g r a f í a Víctor F. Freixanes
O pasado 5 de agosto do ano 2003 falecía na Coruña, rodeado da súa familia e dos seus amigos, Domingo GarcíaSabell. Tiña noventa e cinco anos. Nacera en Santiago de Compostela o 8 de outubro de 1908. Durante dúas décadas, entre 1977 e 1997, data en que por razóns de saúde presentou a dimisión, presidiíu a Real Academia Galega, institución na que ingresara en 1959, un ano despois que Ricardo Carballo Calero e un ano antes que Francisco Fernández del Riego. Contra mediados do ano 1998, en sendo eu director de Alianza Editorial, recibín o orixinal en castelán de Paseata arredor da morte, que daquela estaba a piques de aparecer en Galaxia. Era a derradeira entrega dun pensador e ensaíista a quen, dende a perspectiva que empeza a dar a distancia, e logo de repasar a dimensión da súa obra, máis intensa ca extensa, pero dotada dunha extraordinaria coherencia interior, atrévome a cualificar, sen disimulo, de luxo ou galano intelectual das nosas letras contemporáneas. De feito, a Paseata arredor da morte era, coma quen, a súa despedida. Así o percibiamos moitos. E non obstante, escrita dende a lucidez de quen se sente case que na fronteira, malia o que de primeiras o título parece suxerir é un canto afervoado á vida, á afirmación da vida e da existencia plena do ser humano, reivindicación profunda desta condición, deborcado ?iso si diante do ?gran acontecemento?, o gran salto, que el entendía que non podía ser no baleiro, pero que o enchía de dúbidas e de inseguridades, ao tempo que, paradoxalmente, o afirmaba nalgunhas certezas, abordado todo na liña de rigor intelectual e pensamento libre, sen apriorismos fáciles, que caracterizou o discurso vital (e existencial) do seu autor. Culminaba daquela, cun cerre tan estremecedor que mesmo semellaba calculado, o discurso intelectual dun dos homes cimeiros da chamada ?xeración Galaxia?. Algunha vez téñome referido a unha fotografía que alguén tirou nas caeiras dos Ancares (outros din que no Cebreiro) contra os primeiros anos 60. Nela aparecen Francisco Fernández del Riego, Celestino Fernández de la Vega, Ánxel Fole, Ramón Piñeiro e Domingo GarcíaSabell. Dos cinco, segue entre nós, lúcido e apaixoado, Fernández del Riego, quen por certo había suceder a GarcíaSabell na presidencia da RAG en 1997 e ata o 2001, por catro anos. GarcíaSabell viste chaqueta de la, o colo da camisa aberto e apoia a man dereita nun caxato. O vento da montaña axita levemente os seus cabelos. Olla directamente á cámara. Nesa fotografía está representado un pequeno grupo xeracional que marca e
311 Nº 365
