PARA UNHA BIBLIOGRAFÍA, CORRECTA E COMPLETA, DE MANUEL MURGUÍA
Por VICTORIA ÁLVAREZ RUIZ DE OJEDA . . . todas ellas carecen de verdaderas noticias bibliográficas y [...], como se copiasen ciegamente unos a otros, el error [...] venía y viene transmitiéndose como artículo de fe. Manuel Murguía, 1862.
Así xulgaba Murguía, na advertencia preliminar do seu D i c c i o n a r i o d e e s c r i t o re s g a l l e g o s, os estudios bibliográficos que o precederon, e con esta mesma frase, paradoxalmente, poderiamos definilas bibliografías que sobre o seu autor se teñen feito. Está claro que elaborar unha bibliografía é sempre tarefa ardua, e no caso de Manuel Murguía (18331923) especialmente ardua, pois a súa producción é inxente, os seus primeiros libros convertéronse pronto en verdadeiras rarezas bibliográficas, e os periódicos e revistas nos que colaborou están, cando existen, dispersos en distintas bibliotecas de Galicia e de fóra. Unha dificultade suplementaria radica no feito de que Murguía adoitaba reproducilos seus traballos en diferentes lugares, ás veces en datas moi distantes, completos ou extractados, con ou sen variantes no título; outras veces, editores pouco escrupulosos presentaban como orixinais páxinas que eran, en realidade, reproducción doutras xa publicadas en periódicos, revistas ou libros. Nas bibliografías de Murguía podemos distinguir dúas etapas: a primeira, en vida do autor e ata 1933, na que as noticias son escasas pero en xeral correctas. Deste período merece destacarse o artigo de José Fontenla Leal (?Obras de Murguía?, GH, 31, 3071905 e sgs.), quen foi, como se sabe, promotor da Academia Galega, fidelísimo de Murguía, e coleccionista, na medida das súas poucas posibilidades, de obras galegas e relativas a Galicia. A segunda etapa iníciase en 1933, centenario do nacemento de Murguía, cunha peza de indispensa
