Eladio Rodríguez González
BOLETÍN DA REAL ACADEMIA GALEGA
á imprenta (Neira Vilas 2000: 9195). Ademais para paliar a falta de ingresos cubanos nace a Asociación Protectora da Cultura Galega en Montevideo (BRAG 1929a: 106). Trala sequía de 1927, en 1928 publícase o caderno 27, que será o derradeiro. En vista de que a Comisión do Diccionario creada en 1924 era puramente nominativa e que César Vaamonde seguía a ser realmente o único encargado da obra, un grupo de académicos, Manuel Lugrís Freire, Félix Estrada Catoyra, Casto Sampedro, Valentín Villanueva Rivas e Ramón Tojo Pérez, presentan unha proposta o 9 de abril de 1928, para que na portada do Diccionario se consigne o nome do seu compilador e redactor, co obxecto de recoñecer publicamente o seu traballo e, probablemente, para suavizar a tensa situación que de seguro se produciu ó coñecerse a noticia da publicación do diccionario do presidente da Academia.
los suscribientes creen que la Corporacion faltaria a sus deberes de equidad y de justicia, si no hiciese constar publicamente, que el mencionado Diccionario es obra unica y exclusiva del Bibliotecario de la Academia Don Cesar Vaamonde Lores, a quien nuestro Instituto no debe ni puede defraudar en sus meritos consintiendo que su nombre permanezca oculto por mas tiempo, pues aunque el expresado Sr. Vaamonde se opuso siempre a que su nombre figurase al frente de dicha obra, este rasgo de abnegación no debe tenerse en cuenta por nuestra Colectividad. Por lo tanto, los numerarios que suscriben, tienen el honor de proponer a la Academia: 1º Que a lo sucesivo, y a partir del primer cuaderno del Diccionario que se publique, lleve este en su portada o cubierta, el nombre de su verdadero autor, modificando dicha portada en esta forma: ?Diccionario GallegoCastellano, por Cesar Vaamonde Lores.= Por encargo de la Real Academia Gallega,? y 2º Que esta moción se publique integra en el Boletín de la Academia (Expediente Diccionario 1928).
Esta proposta foi secundada por Federico Maciñeira, Salvador Cabeza León, Pablo Pérez Costanti, Manuel Amor Meilán, Indalecio Varela Lenzano, Manuel Banet Fontenla, Wenceslao Requejo, e David Fernández Diéguez, aínda que quedou reducida ó seu primeiro punto por considerar a maioría dos académicos pouco conveniente darlle publicidade ó asunto. Presentouse na Xunta ordinaria do 22 de maio de 1928 e creou un auténtico cisma na Institución, que tanto as Actas como o Boletín procuraron silenciar. Só reflicten o resultado da votación que se demorou ata o 12 de decembro, isto é, seis meses. A polémica suscitada chega a nós a través da correspondencia de César Vaamonde Lores e polo expediente sobre a cuestión que se conserva no arquivo da Real Academia Galega13. Entre medias a Xunta de Goberno encargou un informe ó respecto a Manuel Amor Meilán e a Indalecio Varela Lenzano presentado o 23 de xullo no cal se posicionan a
113
Nº 362